Skip to main content

Rydych yma

Ydw i angen Cais Rheoliadau Adeiladu?

Mae angen ceisiadau Rheoliadau Adeiladu ar gyfer y rhan fwyaf o brosiectau adeiladu:

Adeiladau Newydd

  • Pob adeilad newydd heblaw adeiladau amaethyddol
  • Garejis sydd ddim yn gwbl ar wahân ac o dan 30 metr sgwâr

Estyniadau

  • Pob estyniad beth bynnag yw ei faint
  • Rhai ystafelloedd gwydr a phyrth – mae llawer wedi’u heithrio ond rhaid bod drysau rhwng y rhain a’r tŷ ac ni cheir eu gwresogi
  • Estyniadau to, balconïau a therasau to
  • Isloriau ac estyniadau islawr

Addasiadau

  • Pob addasiad atig, estyniadau to, balconïau a therasau to
  • Pob addasiad garej
  • Addasiadau ysgubor
  • Isrannu tŷ’n fflatiau
  • Newid fflatiau’n ôl yn dŷ

Newidiadau

  • Creu ‘rhandy nain’
  • Creu ystafell ymolchi newydd neu ensuite neu ystafell gotiau
  • Gosod cegin newydd
  • Tynnu wal sy’n dal pwysau – mae angen i chi ofyn i beiriannydd adeileddol i gadarnhau nad yw eich wal yn cynnal y waliau, y llawr neu’r to uwch ei phen
  • Tynnu wal sydd ddim yn dal pwysau os yw’n gwahanu ystafell a’ch cyntedd, eich grisiau neu ben eich grisiau
  • Gosod system wresogi neu foeler newydd neu amnewid un, beth bynnag yw math y tanwydd
  • Gosod tanc oelew newydd neu amnewid un
  • Gosod ystafell ymolchi newydd os yw hynny’n golygu newid y plymwaith presennol neu osod plymwaith newydd
  • Gosod systemau aerdymheru parhaol
  • Gosod rheiddiaduron ychwanegol i rai systemau gwresogi sy’n bodoli eisoes
  • Amnewid blychau ffiwsys, unrhyw osodiad trydanol newydd wedi’i gysylltu â’r blwch ffiwsys a newidiadau i osodiadau trydanol mewn ystafelloedd ymolchi o gwmpas y baddon neu’r gawod, amnewid unedau ffenestri a drysau
  • Gosod goleuadau to
  • Gwneud ffenestri neu ddrysau’n lletach neu’n uwch
  • Amnewid gorchuddion to ar doeau ar ongl a thoeau gwastad hyd yn oed os yw’r un newydd yr un fath â’r hen un
  • Amnewid eich llawr

Gellir gwneud rhywfaint o waith heb hysbysu Rheoli Adeiladu, megis:

  • Y rhan fwyaf o waith atgyweirio, amnewid a chynnal a chadw (ac eithrio amnewid offer llosgi, tanciau olew, blychau ffiwsys trydanol neu unedau gwydro – mae angen hysbysu am y rhain)
  • Socedi pŵer neu oleuadau ychwanegol neu unrhyw newidiadau eraill i gylchedau sy’n bodoli (ac eithrio o gwmpas baddonau a chawodydd)
  • Amnewid baddonau, toiledau, basnau neu sinciau â rhai’r un fath

Gallwch siarad â Rheolaethi Adeiladu’n anffurfiol, ac yn ddi-dâl fel arfer, i gael cyngor ac arweiniad.